مه‌ودا میدیا-

خاوه‌ن موه‌لیده‌یه‌ك رایده‌گه‌یه‌نێت، له‌ سه‌ره‌تاى مانگى داهاتوو گۆڕانكاریی له‌ پێدانى كاره‌باى موه‌لیده‌ دێت.

عوسمان جه‌مال، خاوه‌نى موه‌لیده‌ به‌ مه‌ودا میدیاى راگه‌یاند "به‌هۆى ئه‌وه‌ى وه‌رزى سه‌رما ده‌ستیپێكردووه‌، هاوڵاتییان له‌ به‌یانیاندا پێویستیان به‌ كاره‌ى موه‌لیده‌ نامێنێتت".

وتیشى "له‌ یه‌كى تشرینى دووه‌مه‌وه‌، به‌یانیان له‌كاتژمێر 6 و 30 خوله‌ك تا 8ى به‌یانى ئه‌گه‌ر كاره‌باى نیشتمانی نه‌بێت، موه‌لیده‌كان هه‌ڵده‌كرێن به‌هۆى ده‌وامى فه‌رمانبه‌ران و خوێندكاران".

باسى له‌وه‌شكرد "كاركردنى موه‌لیده‌كان كاتژمێر 1ى پاش نیوه‌ڕۆ بۆ 1ى شه‌و ده‌بێت، به‌یانیان ئه‌گه‌ر كاره‌باى نیشتمانى نه‌بێت موه‌لیده‌ هه‌ڵناكرێت".

ع