مه‌ودا میدیا-

راوێژکاری سەرۆک وەزیرانی عیراق بۆ کاروباری دارایی و ئابووری، له‌ باره‌ى رووداوەکانی سووریا رایده‌گه‌یه‌نێت "ره‌نگه‌ هه‌ندێك کاریگەری لەسەر ئابووریی عراق هه‌بێت، به‌ڵام كاریگه‌رییه‌كه‌ ئه‌وتۆ نابێت و شایه‌نى باس نییه‌".
 
مەزهەر محەمەد ساڵح، رایگه‌یاندووه‌ "ئه‌و كێشانه‌ى كه‌ ئێستا لە سووریا روودەدات کاریگەری گه‌وره‌ى لەسەر ئابووریی عیراق نابێت، چونكه‌ ئابووریی عیراق دوورە لە ئابووریی سووریا".

وتیشى "ئەو کێشانەی ئه‌و وڵاته‌ تازه‌ نین و لە 2011ه‌وە بەردەوام بوونى هه‌یه‌".
 
ئاماژه‌ى به‌وه‌شكردووه‌ "ره‌نگه‌ تاراده‌یه‌ك کاریگەری له‌ سەر هەندێک بازرگانی سنووریی ساکار هه‌بێت، کە هەندێکیان پەیوەندییان بە کەرتی گەشتیارییەوە هەیە، بۆیه‌ ئه‌گه‌ر هه‌یه‌ هەندێک کاریگەری سادە و ساکاری هەبێت، بەڵام کاریگەری گەورە دروست ناکات".

پ ح ع