مه‌ودا میدیا-

قه‌یرانى دارایی و دواكه‌وتنى مووچه‌، كاریگه‌رى نه‌رێنى له‌ سه‌ر ته‌واوى فه‌رمانبه‌ران و دامه‌زراوه‌كانى حكومه‌تى هه‌رێمی كوردستان دروستكردووه‌ و وه‌ك به‌ڕێوه‌به‌رى گواستنه‌وه‌ى پارێزگاى سلێمانیش ئاماژه‌ى پێده‌كات "به‌هۆى دواكه‌وتنى مووچه‌وه‌ فه‌رمانبه‌ران به‌ جددى ده‌وام ناكه‌ن و ته‌نانه‌ت گرفتى هه‌بوونى كاره‌باشیان هه‌یه‌".

صدیق محه‌مه‌د غه‌ریب، به‌ڕێوه‌به‌رى گواستنه‌وه‌ى پارێزگاى سلێمانى بۆ مه‌ودا میدیا رایگه‌یاند "به‌هۆى دواكه‌وتن و دابه‌شنكردنى مووچه‌وه‌ فه‌رمانه‌به‌ران به‌ جددى ده‌وام ناكه‌ن".

وتیشى "هه‌ر به‌هۆى كێشه‌ى قه‌یرانى داراییه‌وه‌ ئاسته‌نگ بۆ به‌ڕێوه‌چوونى پلان و پرۆژه‌كانیشیان دروستبووه‌ و له‌ ئێستادا سه‌رجه‌م پرۆژه‌كانیان وه‌ستاوه‌".

ئاماژه‌ى به‌وه‌شكرد "ته‌نانه‌ت به‌ڕێوه‌به‌رایه‌تییه‌كه‌یان گرفتى كاره‌باشى هه‌یه‌ و فه‌رمانبه‌رانیان ره‌قبوونه‌ته‌وه‌ له‌ سه‌رمایه‌".

پ ح ع