مەودا میدیا-

وەزارەتی شارەوانی و گەشتوگوزاری هەرێم، رەزامەندی دەربڕی لەسەر جێبەجێکردنی چەند پڕۆژەیەک لە سنووری پارێزگای سلێمانی.

رایگەیاند "پڕۆژەکان لەسەر داهاتی شارەوانی و ئاو، ژمارەیەك پڕۆژەی خزمەتگوزاریی لە سنووری سەرۆكایەتیی شارەوانی و بەڕێوەبەرایەتیی گشتیی شارەوانییەكانی سلێمانی و بەڕێوەبەرایەتییەكانی ئاوی سلێمانی و دەوروبەری جێبەجێ دەکرێت".

ئاماژەی بۆ ئەوەشکرد پڕۆژەکان پێکدێن لە :

1- پرۆژەی راكێشانی بۆری ئاو بۆ چەند كۆڵانێك لە گەڕەكی كەڵەكن(111) لە سنووری بەڕێوەبەرایەتیی ئاوی سلێمانی

2- پرۆژەی چاكسازیی باراناوی سەر شەقام لە ماوەت

3- چاككردنی شەقام لە ناو بازاڕ و لە گەڕەكەكانی فەرمانبەران و ئاشتی لە سنووری شارەوانیی بازیان

4- دابینكردنی قفلی دەكتایل بۆ گەنجینەی ئاوی فەرمانگەی دەربەدیخان لە سنووری بەڕێوەبەرایەتیی ئاوی دەوروبەری سلێمانی

5- دابینكردنی تایە بۆ تانكەرەكانی ئاوی سلێمانی لە سنووری بەڕێوەبەرایەتیی ئاوی شارەكە

6- پرۆژەی گواستنەوەی بۆریی ئاوی خواردنەوە لە بەكرەجۆ

7- نۆژەنكردنەوەی تانكی ئاو لە ناحیەی خدران لە سنووری بەڕێوەبەرایەتیی ئاوی دەوروبەری سلێمانی

8- دابینكردنی بۆری بۆ گەنجینەی قەدەم خێر لە سنووری بەڕێوەبەرایەتیی ئاوی سلێمانی

9- چاككردنی كۆڵانەكانی تەیناڵی كۆن بە كۆنكرێت

10- كۆنكرێتكردنی كۆڵان لە ناحیەی سیتەك