مه‌ودا میدیا-

به‌رپرسى عه‌لوه‌ى سلێمانى رایده‌گه‌یه‌نێت، دواى ئه‌وه‌ى فاسۆلیایه‌كى ته‌ڕى ئێرانى هاورده‌ى عه‌لوه‌ى سلێمانى كرابوو، مه‌ترسیداربوو، به‌ڵام له‌ناوبرا.

حاجى سه‌روه‌ر عه‌لى، به‌رپرسى سه‌ندیكاى عه‌لوه‌ى سلێمانى به‌ مه‌ودا میدیاى راگه‌یاند "ئه‌و فاسۆلیایه‌ى هاورده‌ى عه‌لوه‌ى سلێمانى كرابوو له‌ ئێرانه‌وه‌، مه‌ترسیدار بوو، له‌ پشكنین ده‌ركه‌وت هه‌ر كه‌س بیخوات ره‌نگه‌ بیكوژێت".

باسى له‌وه‌شكرد "ئه‌و فاسۆلیایه‌ نیتراته‌كه‌ى له‌برى 30، له‌ پشكنین ده‌ركه‌وت دوو هه‌زار بووه‌، ئه‌وه‌ش زۆر مه‌ترسیداره‌ و به‌هۆیه‌وه‌ نه‌خۆشى شێرپه‌نجه‌ بڵاوده‌بێته‌وه‌ بۆ ئه‌وانه‌ى به‌كاریده‌هێنن".

وتیشى "جگه‌ له‌وه‌ش ئه‌و فاسۆلیا ئه‌گه‌ر ژنى دووگیان بیخواردایه‌ ده‌بووه‌ هۆكارى له‌بارچوونى منداڵه‌كه‌ى، بۆیه‌ به‌خێرایی له‌ناوبراو و هاورده‌كردنى قه‌ده‌غه‌كرا".

ع