مه‌ودا میدیا-

ئێواره‌ى ئه‌مڕۆ دووشه‌ممه‌، نرخى دۆلار به‌رانبه‌ر به‌ دینارى عیراقى به‌رزبوونه‌وه‌ى تۆماركرد.

ئیبراهیم غه‌فور، خاوه‌نى نوسینگه‌ى ئاڵوگۆڕى دراو له‌ سلێمانى به‌ مه‌ودا میدیاى راگه‌یاند "نرخى دۆلار به‌رانبه‌ر به‌ دینارى عیراقى به‌رزبووه‌وه‌ به‌راورد به‌ چه‌ند رۆژى رابردوو".

وتیشى "به‌یانى ئه‌مڕۆ دووشه‌ممه‌، له‌كاتى كردنه‌وه‌ى بازاڕ 100 دۆلار به‌ 150 هه‌زار و 500 دیناربوو، ئێواره‌ بۆ 151 هه‌زار دینار به‌رزبووه‌وه‌".

له‌ لایه‌كى تریشه‌وه‌ نرخى تمه‌نى ئێرانى به‌رده‌وامه‌ له‌ دابه‌زین و 100 دۆلار گه‌یشته‌ هه‌شت ملیۆن تمه‌نى ئێرانى.

ع