مه‌ودا میدیا-

به‌پێى ئاماره‌كانى به‌ڕێوه‌به‌رایه‌تیی گشتیی ته‌ندروستیی سلێمانى، ساڵى رابردوو زیاتر له‌ 30 هه‌زار منداڵ له‌ دایكبوون.

بەگوێرەى ئامارەکەى تەندروستیى سلێمانى "لەماوەی ساڵی رابردوو 30 هەزار و 65 منداڵ لەنەخۆشخانە حكومییەكان و ئەهلیەكانی سنووری پارێزگای سلێمانی لەدایكبوون".

باس له‌وه‌شكراوه‌ "لەو ژمارەیەك 15 هەزار و 706 منداڵیان كوڕ بوون و 14 هەزار و 359 منداڵیان كچ بوون".

هه‌روه‌ها "ساڵی رابردوو 15 هەزار و 847 منداڵ لەنەخۆشخانە حكومییەكانی سنووری پارێزگای سلێمانی لەدایكبوون و هەروەها 14 هەزار و 218 منداڵ لەنەخۆشخانە ئەهلیەكان لەدایكبوون".

ئه‌وه‌ش خراوه‌ته‌ڕوو "ساڵی رابردوو 375 حاڵەتی لەدایكبوونی دووانە و 13 حاڵەتی لەدایكبوونی سیانە و 3 حاڵەتی لەدایكبوونی چواری لەسەرجەم نەخۆشخانەكان تۆماركراون".

ع