مه‌ودا میدیا-

پرتەقاڵ یەکێکە لە بەناوبانگترین میوەکان لە جیهاندا، بەهۆی تامی خۆشی و سوودە تەندروستییە جۆراوجۆرەکانی، بەڵام ئایا دەزانیت خواردنی پرتەقاڵ پێش خەوتن کاریگەری باش و ئەرێنی لەسەر تەندروستی دەبێت؟ ئەمه‌ ئه‌گه‌ر بیكه‌یته‌ خوو، لەوانەیە ئاسان بێت، بەڵام سوودی سەرسوڕهێنەری تێدایە.

پرتەقاڵ سەرچاوەیەکی دەوڵەمەندە بە ڤیتامین و کانزای پێویست بۆ لەش، بەتایبەتی ڤیتامین (C) کە رۆڵی هه‌یه‌ لە بەهێزکردنی بەرگری و بەرەنگاربوونەوەی نەخۆشییەکان، هەروەها ریشاڵی خۆراکی، پۆتاسیۆم و دژە ئۆکسیدەکانی تێدایە وەک فلاڤۆنۆئید، کە یارمەتیدەرە بۆ پاراستنی لەش لە فشاری ئۆکسید.

پرتەقاڵ کالۆری کەمە و دەبێتە هەڵبژاردنێکی گونجاو بۆ ئەو کەسانەی کە دەیانەوێت کێشێکی تەندروستیان هه‌بێت یان کێشیان دابەزێنن.

خواردنی پرتەقاڵ پێش خەوتن کۆمەڵێک سوودی هەیە کە کاریگەرییان لەسەر تەندروستیی جەستە و دەروون هەیە، لەوانە:

1- باشترکردنی کوالیتی خەو.

2- باشترکردنی تەندروستی هەرس.

3- یارمەتی دابەزاندنی کێش.

4- بەرگری لەش لە کاتی خەوتندا بەهێز دەکات.

5-هەستی تینوویەتی کەم دەکاتەوە.

پ ح ع