مەودا میدیا- سۆما خالید

 هونەرمەندێکی ناوداری موزیکژەن و ئاوازدانەری یۆنانی رایدەگەیەنێت بەهۆی بڵاوبوونەوەی ڤایرۆسی کۆرۆنا کونسێرتەکەم بەرێگەی ئۆنلاین بەرێوەچوو.

یانیس کەریسومالیس، هونەرمەندێکی ناوداری موزیکژەن و ئاوازدانەری یۆنانی لە لاپەڕەی تایبەتی خۆی لە تۆرە کۆمەڵایەتیەکان رایگەیاند "بەهۆی بڵاوبوونەوەی ڤایرۆسی کۆرۆنا کونسێرتەکەم بەرێگەی ئونڵاین بەرێوەچوو کە پێشتر ئامادەکاریم بۆکردبوو".

ئاماژەی بەوەشکرد "کونسێرتەکەم بەکاتی ویلایەتە یەکگرتووەکانی ئەمریکا و کانادا لە رێگەی ماڵپەر، یوتوب و فەیسبوک بڵاوکرایەوە". 

ئەمەش لەکاتێکدایە، راندرە بوچلی، هونەرمەندی ناوداری ئیتاڵی لە کەنیسەی میلان دوور لە قەرەباڵغی ئەنجامدا، کە لەماوەی 24کاتژمێر 32 ملیۆن بینەری هەبوو.