مه‌ودا میدیا-

بڕیار وایه‌ له‌ مانگى تشرینى یه‌كه‌مى ئه‌مساڵ هه‌ڵبژاردنى په‌رله‌مانى عیراق به‌ڕێوه‌بچێت و یه‌كێتیی نیشتمانیی كوردستانیش كاندیده‌كانى ئاماده‌ ده‌كات.

به‌پێى زانیارییه‌كان كه‌ به‌ مه‌ودا میدیا دراون "یه‌كێتی ده‌ستیكردووه‌ بۆ ئاماده‌كردنى كاندیده‌كانى هه‌ڵبژاردنى په‌رله‌مانى عیراق و به‌دواى كه‌سانى شاره‌زا و لێهاتوو و كه‌سى به‌ئه‌زموونه‌وه‌یه‌".

چه‌ندین داواكاریی ئاراسته‌ى مه‌كته‌بى هه‌ڵبژاردنى حزبه‌كه‌ كراوه‌ و دواتر له‌ رێگه‌ى لیژنه‌یه‌كى باڵاوه‌ كاندیده‌كانى یه‌كێتى دیاریده‌كرێن.

هه‌ر به‌پێى زانیارییه‌كانی مەودا میدیا  "به‌شێك له‌ كاندیده‌كانى یه‌كێتى له‌ ماوه‌ى خوله‌كانى رابردووى په‌رله‌مانى عیراق له‌سه‌ر هه‌مان حزب كاندید بوون و ئه‌مجاره‌ش خۆیان كاندید ده‌كه‌نه‌وه‌".
كۆمسیۆنى سه‌ربه‌خۆى هه‌ڵبژاردنه‌كانى عیراق ناوى تۆماركردنى لیست و هاوپه‌یمانیی و كاندیده‌كانى بۆ ماوه‌ى دوو هه‌فته‌ درێژكرده‌وه‌.

ع