مه‌ودا میدیا-

قائیمقامى قه‌زاى ناوه‌ندیی سلێمانى رایگه‌یاند، سلێمانى جه‌ژنێكى ئارامى به‌ڕێكرد و پلانه‌كان وه‌ك خۆیان جێبه‌جێكران.

ئاوات محەمەد، قائیمقامی سلێمانی رایگەیاند "پلانی رۆژانی جەژنی قوربان لەلایەن ئاسایش و هێزە ئەمنییەكانی دیكە و تەندروستیی و فەرمانگە خزمەتگوزارییەكان، بەسەركەوتویی جێبەجێ كراوە".

وتیشى "لە چوار رۆژی جەژنی قورباندا لیژنەكانی قائیمقامیەتی سلێمانی بەردەوامبوون لە ئەركەكانیان و سەردانی تەواوی ئەو شوێنانەیان كردووە كە میوانان و گەشتیارانی شاری سلێمانی بۆ بەسەربردنی كاتێكی خۆش روویان لێكردووە".

ئه‌وه‌شى خسته‌ڕوو "ژمارەیەك لەو سەرپێچیكارانەی كە كڕین و فرۆشتنیان بە ئاژەڵەوە لەشوێنی نەشیاو و نەگونجاودا كردووە، دەستگیركراون و سەرجەمیشیان ئازاد دەكرێن".

ع