مه‌ودا میدیا-

سه‌رۆكى حكومه‌تى هه‌رێمى كوردستان رایگه‌یاند، ئه‌وه‌ى به‌غدا ده‌یكات به‌رانبه‌ر به‌ مووچه‌ى فه‌رمانبه‌رانى هه‌رێم سته‌مه‌ و برسیكردنه‌وه‌ و كارێكى خراپ و سیاسه‌تێكى هه‌ڵه‌یه‌.

مه‌سرور بارزانى، سه‌رۆكى حكومه‌تى هه‌رێم رایگه‌یاند "به‌غدا ده‌یه‌وێت خه‌ڵكى كوردستان برسیی بكات، ده‌ستى بۆ مووچه‌ بردووه‌ و پابه‌ندى رێككه‌وتنه‌كان نه‌بووه‌ و خه‌ڵكى كوردستانى رووبه‌ڕووى دۆخێكى خراپ كردووه‌ته‌وه‌".

وتیشى "مووچه‌ى خه‌ڵكى كوردستان به‌ نایاسایی نه‌دراوه‌ و كارێكى نایاساییه‌ و نه‌ده‌بوو مووچه‌ تێكه‌ڵى هیچ گرژى و پرسه‌ سیاسییه‌كان بكرێت، واز له‌ مافى خه‌ڵكى كوردستان نابین".

ئه‌وه‌شى خسته‌ڕوو "ده‌مانه‌وێت كێشه‌كان چاره‌سه‌ر بكرێن له‌نێوان هه‌رێم و به‌غدا، بڕیاره‌ له‌ داهاتوویه‌كى نزیكدا شاندێكى به‌غدا بچنه‌ هه‌رێمى كوردستان و چاره‌سه‌ر بۆ ئه‌و كێشانه‌ بدۆزرێته‌وه‌".

ع