مەودا میدیا-

دوای ئه‌وه‌ی له‌ ناحیه‌ی قوشته‌په‌ ته‌قه‌ له‌ ئۆتۆمبێلێكی بارهه‌ڵگر كرا، ئاسایشی هه‌ولێر ئاشکرایکرد کە هێزەکانیان لە ماوەیەکی کەمدا ته‌قه‌كه‌ره‌كانی ده‌ستگیركردووە کە رووداوه‌كه‌ له‌نێوان زاوا و خه‌زوردا بووه‌.

 به‌ڕێوه‌به‌رایه‌تی ئاسایشی هه‌ولێر رایگەیاند "سەبارەت بە رووداوێکی تەقەکردن لە ئۆتۆمبێلێکی بارهەڵگر لە چوار رێیانی ناحیەی قوشتەپەی شاری هەولێر، کە هیچ زیانێکی گیانی لێ نەکەوتەوە، دوای ئەنجامدانی بەدواداچون لە لایەن هێزەکانیانەوە دەرکەوتووە رووداوەکە بۆ کێشەیەکی کۆمەڵایەتی دەگەڕێتەوە لە نێوان دوو بنەماڵەدا، کە زاوا و خه‌زووری یەکترن".

ئاماژەی بۆ ئەوەشکرد "بە فەرمانی دادوەری لێکۆڵینەوەی ئاسایشی هەولێر لەسەر رووداوەکە سێ تۆمەتباریان دەستگیر کردووە کە تەقەیان کردبوو بەناوەکانی (ع، خ، ع) و (ع، ر، خ) و (م ،م ،خ) دەست بەسەر چەکەکانیشدا گیراوە".


ب ح