مه‌ودا میدیا-

گۆڕێکی بەکۆمەڵ لە پڕۆژەی نیشتەجێبوونی ڤێلاکانی 'ئەلرواد' لەڕۆژئاوای دێرەزوور، دۆزرایەوە.

ئاژانسی هەواڵی سانای سوریا، لەسەر زاری سەرچاوەیه‌کی بەرگریی شارستانی بڵاویکردەوە "گۆڕە بەکۆمەڵەکە لەلایەن ئاسایشی تاوانی پارێزگای دێرەزوور و دەزگا ئەمنییەکانی تره‌وه‌ دۆزراوەتەوە".

ئاماژە بەوەشكراوه‌"دوای راگەیاندنی دۆزینەوەکە دەستبەجێ تیمەکانی بەرگریی شارستانی چوونەتە شوێنەکە و هەموو رێکارە پێویستیەکانیان گرتووتەبەر و کارەکانی هەڵدانەوە و پشکنین بەردەوامە".

"خەڵکی دێرەزوور بە دەستی هێزەکانی رژێمی پێشوو کۆمەڵکوژ کراون، تەرمەکانیان لە گۆڕە بەکۆمەڵەکاندا شاردراوەتەوە، چ لە گەڕەکەکانی نیشتەجێبوون و چ لە جەرگەی پارێزگاکەدا، هەروەها پێ دەچێت دەیان گۆڕی لەو جۆرە لە دێرەزوور هەبن".

ع