مەودا میدیا-
بەهۆی دابەشنەكردنی مووچەی فەرمانبەران و قەیرانی داراییەوە، لە پێشانگاكانی ئۆتۆمبێل كڕین و فرۆشتن وەستاوە و بازاڕ بە تەواوی پەكیكەوتووە. 

شێرزاد محەمەد، یەكێك لەو هاوڵاتییانەی كە كاری كڕین و فرۆشتنی ئۆتۆمبێل دەكات بە مەودا میدیای راگەیاند"چوار ئۆتۆمبێلی لە پێشانگاكانی ئۆتۆمبێلدا داناوە و ماوەی زیاتر لە مانگێكە هیچ كەسێك تەنانەت پرسیاری نرخەكەشی نەكردووە و كڕیار لە پێشانگاكاندا نەماون". 

وتیشی"زۆربەی ئەوانەی كاری كڕین و فرۆشتنی ئۆتۆمبێل دەكەن پارەكانیان داوە بە ئۆتۆمبێل و ئێستاش كڕیاری ئۆتۆمبێل نەماوە و پارەكانیشیان لە كڕینی ئۆتۆمبێلدا قوفڵ بووە". 

ئاماژەی بۆ ئەوەشكرد"دابەشنەكردن و دواكەوتنی مووچەی فەرمانبەران كاریگەری لەسەر سەرجەم بازاڕەجیاوازەكان درووست كردووە و ئەگەر دۆخەكە زیاتر درێژە بكێشێت ئەوا بازاڕ بە یەكجاری پەكیدەكەوێت". 
ئ پ