مەودا میدیا-

ئەمڕۆ پێنجشەممە 2025/8/7، گۆڕێکی بەکۆمەڵ لە گوندی مێرگەتیای سەر بە قەزای  ئامێدی دۆزرایەوە کە رووفاتی حەوت شەهیدی تێدایە و لەسەردەمی بەعسدا گوللـە باران کراون.

قایمقامی ئامێدی رایگەیاند "گۆڕەکە لە گوندی مێرگەتیا دۆزراوەتەوە و لەلایەن تیمێکی پسپۆڕەوە گۆڕەکە هەڵدراوەتەوە و روفاتەکانیش رەوانەی پزیشکی دادی دهۆک کراون".

ئاماژەی بۆ ئەوەشکرد "رووفاتەکانی ناو گۆڕەکە هەموویان خەڵکی گوندی مێرگەتی بوون، لە ساڵی 1988دا لەلایەن رژێمی بەعسەوە گوللـە باران کراون و بە جلوبەرگەکەی خۆیانەوە خراونەتە گۆڕێکی بە کۆمەڵەوە".

ب ح