مەودا میدیا-

وەزارەتی پەروەردەی هەرێم ئاشکرایکرد رۆژی چوارشەممە 2025/8/20، دوا وادەیە بۆ تۆماری منداڵان لە باخچە و قوتابخانە ( حکومییەکان) تۆمارکردنیش لە دوای ئەو وادەیە درێژ ناکرێتەوە.

وەزارەتی پەروەردەی هەرێم رایگەیاند "دوای 8/20 ناوەندەکانی خوێندن کار لەسەر رێکخستنەوەی میلاکی مامۆستایان و تۆمارکردنی قوتابیان لە سیستمی ئی- پەروەردە دەکەن و هۆبەکانی خوێندن جیا دەکەنەو، پێویستە تاوەکو 8/20 منداڵان لە باخچە و قوتابخانە حکومییەکان تۆمار بکرێن".

ئاماژەی بۆ ئەوەشکرد "ئەو قوتابیانەی ناویان تۆمارکردووە لەو ناوەندانەی خوێندن کە بەشێوازی تیروپشک کار دەکەن لە وەرگرتنی قوتابیان ، پاش ئەنجامدانی تیروپشک ئەگەر وەرنەگیران مافیان هەیە لە قوتابخانەی سنووری جوگرافی خۆیان تۆماربکەن".

ب ح