مەودا میدیا-
بەپێی راگەیەنراوێكی بەڕێوەبەرایەتی كارەبای سۆران ئەمڕۆ چەند فیدەرێكی كارەبای بەشێك لە گەڕەكەكانی سۆران دەكوژێنرێنەوە و بۆ ماوەی 11 كاتژمێر كارەبای نیشتمانی نابێت. 

بەڕێوەبەرایەتییەكە لە راگەیەنراوەكەیدا دەڵێت" ئەمڕۆ سێشەممە فیدەرەكانی (3-4-6-7-16) دەكوژێنرێنەوە كە ئەو فیدەرانە تایبەتن بە گەڕەكەكانی هەرێم، بازاری سۆران، ٢٦گۆلان، بەشێكی جندیان، 2-ش.جندیان و راپەرین".  

ئاماژەی بۆ ئەوەش كردووە"كوژاندنەوەی كارەبای نیشتمانی لە كاتژمێر 5ی بەیانییەوە دەستپێدەكات و تا كاتژمێر 4ی ئێوارە دەخایەنێت". 

لە راگەیەنراوەكەدا باس لەوەش كراوە كە لەو ماوەیەی كە كارەبای نیشتمانی دەكوژێتەوە هاوڵاتییان بێكارەبا نابن و كارەبای موەلیدە ئەهلییەكان بەردەوام دەبن لە پێدانی كارەبا بە هاوڵاتییان تا ئەوكاتەی كارەبای نیشتمانی دێتەوە".
ئ پ