مەودا میدیا-
دوای هاتنی شەپۆلێكی گەرمای توند لەم هاوینەدا بۆ ناوچەكانی تەواوی عیراق، پێشبینی دەكرێت لە هەفتەی داهاتووەوە ئەو شەپۆلی گەرمایە بەیەكجاری بكشێتەوە و كۆتایی بە گەرمای بەتین دێت. 

پشتیوان پێنجوێنی، شارەزای بواری كەشناسی بە مەودا میدیای راگەیاند"لە رۆژانی 16ی ئەم مانگە بۆ 24ی مانگ بەگشتی لە هەرێمی كوردستان شەپۆلی گەرمای بەهێز دەكشێتەوە و مانگی 9 پلەكانی گەرما لە ئاستێكی ئاساییدا دەبن". 

وتیشی"ئەمساڵ زووتر فێنكی و سەرما دەست پێدەكات و لە 15 رۆژی كۆتایی مانگی 9 ئەگەر هەیە لە بەشێكی ناوچە شاخاوییەكان و چەند ناوچەیەكی جیا جیا یەكەم بارانی ئەمساڵ ببارێت". 

ئاماژەی بۆ ئەوەشكرد"لە ئیدارەی راپەڕین و شاری سلێمانی و بەشێكی ناوچەكانی دیكەی هەرێمی كوردستان لە رۆژی 14 و 15 و 16ی ئەم مانگە لە هەندێك كاتدا بای باكووری مامناوەند بۆ بەهێز چالاكی دەبێت و خێرایی بایەكە 35 بۆ 55 كم دەبێت و بەپێی شوێن و كاتیش گۆڕانكاری روودەدات". 
ئ پ