مەودا میدیا-

وه‌زاره‌تی كارو كاروباری كۆمه‌ڵایه‌تی هه‌رێم ئاشکرایکرد ژماره‌یه‌كی نه‌ناسراو به‌فێڵ و به‌ناوی وه‌زاره‌ته‌كه‌یانه‌وه‌ په‌یوه‌ندی بە هاوڵاتییانەوە ده‌كات و داوای كارتی مۆبایل ده‌كات به‌ناوی دامه‌زراندن و دابینكردنی مووچه‌وه‌.

وه‌زاره‌تی كارو كاروباری كۆمه‌ڵایه‌تی  رایگەیاند "ماوه‌ی چه‌ند رۆژێكه‌ ژماره‌یه‌كی نه‌ناسراو به‌ناوی وه‌زاره‌تەکەیانەوە په‌یوه‌ندی کەسوکاری خاوه‌ن پێداویستی تایبه‌ته‌كان ده‌كات بەناوی دابینكردنی مووچه‌ی كه‌م ئه‌ندامی و مووچه‌ی چاودێری كۆمه‌ڵایه‌تی و داوای ناردنی كارتی نیشتیمانی و زانیاری و پێدانی ژماره‌ و ناوی خه‌ڵكی تر ده‌كات كه‌ خاوه‌ن پێداویستی تایبه‌ت یان نه‌خۆش یان كه‌سانی به‌ساڵاچوویان هه‌بێت".

ئاماژەی بۆ ئەوەشکرد "هاوڵاتییان ئاگادار دەکەنەوە کە وەزارەتەکەیان ئاگاداری ئه‌م بابه‌ته‌ نییه‌ و ئه‌مه‌ به‌شێكه‌ له‌ فێڵكردن و له‌ كاتی پێویست له‌ رێگا فه‌رمییه‌كانه‌وه‌ خزمه‌تگوزاری و ئاگادارییه‌كان بڵاوده‌كاته‌وه‌، به‌رانبه‌ر به‌م فێڵكردنه‌ی ئه‌م گرووپانه‌ش رێكاری یاسایی ده‌گرنه‌به‌ر".

ب ح