مەودا میدیا-

بافڵ جەلال تاڵەبانی، سەرۆکی یەکێتیی نیشتمانیی کوردستان لە دوو دیدری جیاوازدا لەگەڵ ژمارەیەک هەڤاڵی تێکۆشەری دێرین و فەرماندەی فەرماندەیی هێزەکانی کۆماندۆ کۆبووەوە.

بافڵ جەلال تاڵەبانی، سەرۆکی یەکێتیی نیشتمانیی کوردستان رایگەیاند "شانازی بە هەموو ئەو هەڤاڵانەوە دەکەن کە ئەزموونێکی دەوڵەمەندیان هەیە و سەرمایەیەکی گەورەن بۆ بەردەوامی و زیاتر گەشانەوەی یەکێتییەکەیان".

ئاماژەی بۆ ئەوەشکرد "هەموو هەڤاڵانی یەکێتی پێگەیان پارێزراو دەبێت و بەپێی ئەم قۆناغ و سەردەمە ئەرکدار دەکرێنەوە".

سەرۆکی یەکێتی ستایشی رۆڵی فەرماندە و هێزەکانی کۆماندۆی کرد بۆ هاوبەشیی بەردەوامیان لەگەڵ هێزەکانی عیراق، هاوپەیمانان و هێزە ئەمنییەکانی دیکەی کوردستان بۆ ئەنجامدانی ئۆپراسیۆنەکانیان لەو ناوچانەی بۆشایی ئەمنییان تێدایە.

بافڵ جەلال تاڵەبانی، جەختی لە پتەوکردنی هاریکاریی زیاتری نێوان سەرجەم هێزە ئەمنییەکان کردەوە لەپێناو سەرخستنی کردە سەربازییەکان، دژی پاشماوەکانی تیرۆریستان و پاراستنی ئاسایش و ئارامی هەرێمی کوردستان.

ب ح