مەودا میدیا-

ئەمڕۆ پێنجشەممە 2025/8/14، وەزیری ئاوەدانکردنەوەو نیشتەجێکردنی هەرێم سەرپەرشتی کۆبوونەوەیەکی ئەنجومەنی راوێژکاری وەزارەتەکەی کرد سەبارەت بە ماستەرپلانی رێگاوبانە گشتییەکان لە هەرێمی کوردستان.

دانا عەبدولکەریم، وەزیری ئاوەدانکردنەوەو نیشتەجێکردن رایگه‌یاند "دەتوانن لەماوەی 10 ساڵی داهاتوودا بەپێی ئەو ماستەرپلانەی دادەنرێت دەیان پڕۆژەی رێگاوبان و پرد و تونێل و یەکتربڕ و رێگای خێرا لەپارێزگاڤو ئیدارە سەربەخۆکان جێبەجێ بکەن".

ئاماژەی بۆ ئەوەشکرد "وەک چۆن لە رابردوودا سەدان پڕۆژەیان لە شار و شارۆچکە و گوندەکان ئەنجامداوە، لەئایندەیەکی نزیکیشدا ژمارەیەک پڕۆژەی گرنگ و ستراتیژی لەبواری رێگاوبان بەتایبەت لە سنووری سلێمانی رادەگەیەنن و دەیخەینە بواری جێبەجێکردنەوە".

ب ح