مەودا میدیا-
دوای شەپۆلێكی توندی گەرمای هاوینە لە چەند هەفتەی رابردوودا، لەمڕۆوە ئەو شەپۆلی گەرمایە كۆتاییدێت و ئەمساڵ جارێكیتر دووبارە نابێتەوە. 

محەمەد كەمال، شارەزای بواری كەشناسی بە مەودا میدیای راگەیاند"ئەو شەپۆلە گەرما بەهێزەی كە لە هەفتەكانی رابردوودا تا نزیكی 50 پلەی سیلیزی ناوچەكانی عیراق و هەرێمی كوردستانی گرتەوە، لەمڕۆوە كۆتاییدێت و ئەمساڵ جارێكیتر دووبارە نابێتەوە". 

وتیشی"ئەمڕۆ گۆرانكاری لە پلەكانی گەرمادا روویداوە، بەڵام لە سبەینێوە پلەكانی گەرما زیاتر دادەبەزن و تا ناوەڕاست و كۆتایی هەفتەش دوو تا سێ‌ پلە بەپێی ناوچەكان پلەكانی گەرما دادەبەزن". 

سەبارەت بە كاتی بارانبارین و دەستپێكردنی سەرمای زستانیش ئاماژەی بەوەكرد"تا بارانێكی سەرتاسەری لە هەرێمی كوردستان نەبارێت سەرمای زستان دەستپێناكات، بارانبارینیش رەنگە بكەوێتە كۆتایی مانگی 10 تا سەرەتا و ناوەڕاستی مانگی 11، بەڵام ئەوكاتیش سەرماكەی ئەوەندە توند نابێت كە پێویست بكات كە لە ئێستاوە هۆشداری لەبارەوە بدرێت". 
ئ پ