مەودا میدیا-

ئەندامێکی پەرلەمانی عیراق ئاشکرایکرد لەئێستادا ئەگەرەكان بەو شێوەیەن كە كێشەكانی نێوان هەردوو وەزارەتی دارایی هەرێم و بەغدا لەسەر داهاتی ناوخۆ بەرەو چارەسەر دەچێت.

سۆزان مەنسور، ئەندامی پەرلەمانی عیراق لە فراکسیۆنی یەکێتی رایگەیاند "کێشەکانی نێوان هەرێم و بەغدا لەبارەی داهاتی ناخۆ بەرەو چارەسەر دەچێت و بڕیارە لەم هەفتەیەدا هەمووشتێک یەکلابکرێتەوە".

ئاماژەی بۆ ئەوەشکرد "سبەینێ ئەنجومەنی وەزیرانی عیراق کۆدەبێتەوە و هەوڵەكان چڕكراونەتەوە بۆ ئەوەی بابەتی ناردنی مووچەی مانگی شەشی فەرمانەبەرانی هەرێم یەكلایی بكرێتەوە".

ئەوەشی خستەڕوو "بابەتی نەوت كۆتایی هاتووە و ئەوەی ئێستا ماوەتەوە جۆری ئەو داهاتانەیە كە دەبێت هەرێم رادەستی بەغدای بکات، بەدڵنیاییەوە هەر دەبێت رێككەوتن بكرێت، چونكە ناكرێت ئەم دۆخەی ئێستا بەسەر مووچەخۆرانی هەرێم هاتووە درێژەی پێبدرێت".

ب ح