مەودا میدیا-

ئەندامی مەکتەبی سیاسی و بەرپرسی مەکتەبی رێکخستنی سلێمانی، راپەرین و هەڵەبجەی پارتی  ئاشکرایکرد بڕینی مووچە بە پێی دەستور تاوانە، بەڵام بە خۆڕاگری خەڵكی كوردستان ئەم قۆناعە تێدەپەڕێت و خەڵكی كوردستان براوە دەبێت.

عەلی حسێن، ئەندامی مەکتەبی سیاسی پارتی رایگەیاند "بەغدا بەردەوام بیانوو بە حکومەتی هەرێم دەگرێت، بڕینی مووچەی مووچەخۆرانی هەرێم تاوانە و دژی دەستووری عیراقە".

ئاماژەی بۆ ئەوەشکرد "حکومەتە یەک لە دوای یەکەکانی عیراق پابەندی دەستوور و رێککەوتنەکان لەگەڵ هەرێمی کوردستان نەبوون، لە بەرانبەردا حکومەتی هەرێم سەرجەم پابەندییەکانی خۆی جێبەجێکردووە".

ئەوەشی خستەڕوو "حکومەتی هەرێم و هەموو لایەنە سیاسییەکان پێداگرن لەسەر چارەسەری کێشەکان و پێویستە دوای هەڵبژاردن رێککەوتنێکی نوێ لەگەڵ بەغدا بکەن و دەبێت بزانن لەگەڵ چ لایەنێک رێککەوتن دەکەن".

ب ح