مەودا میدیا-

ناوەندی راگەیاندن و چاپەمەنی هێزەکانی سوریای دیموکرات (هەسەدە) سەبارەت بە ئۆپراسیۆنی ئەمنی لە گوندەکانی رۆژهەڵاتی دێرەلزوور پەیامێکی راوێکی بڵاوکردەوە.

هێزەکانی سوریای دیموکرات (هەسەدە) رایگەیاند "شارۆچکەی خەرانیجیان بە تەواوی پاککردووەتەوە و 12 ئەندامی داعشیان دەستگیرکردووە کە بەنیازبوون کردەوەی تیرۆریستی لە ناوچەکە ئەنجام بدەن".

ئاماژەی بۆ ئەوەشکرد "هێزەکانی ئۆپراسیۆن چوار شەڕڤانی ئەنجومەنی سەربازی دێرەلزوور کە ماوەیەک لەمەوبەر لە بنکەیەکی تەندروستی رفێندرابوون رزگارکردووە".

ئەوەشی خستەڕوو "هۆزەکان و دانیشتووانی ناوچەکە پشتیوانییان لە ئۆپراسیۆنەکە و بەرقەرارکردنی ئاسایشیان لە گوندەکانی رۆژهەڵاتی دێرەلزوور کردووە".

ب ح