مەودا میدیا-

بەڕێوەبەرایەتی هاتوچۆی سلێمانی ئاشکرایکرد ‎بەهۆی شەپۆلی خۆڵبارین لە شارەکانی هەرێمی کوردستان و کەمبوونەوەی رادەی بینین، بە پێویستی دەزانن هۆشداریی بدەن بە شۆفێران.

بەڕێوەبەرایەتی هاتوچۆی سلێمانی رایگەیاند "پێویستە شۆفێران بەشێوەیەکی تەواو بەرپرسیارانە شۆفێری بکەن و پابەندی ئەم رێنماییانە بن لە پێناو سەلامەتی گیانی خۆیان و ئازیزانیان: 
1-کەمکردنەوەی خێرایی
‎2-پاراستنی ماوەی سەلامەتی لەنێوان ئوتومبێلەکان 
‎3-داگیرساندنی گڵۆپی تەم 
‎4-بەکارهێنانی ماسک بۆ پاراستنی تەندروستیت 
5-سەبارەت بە ناوچە شاخاوییەکان و رێگاکانی دەرەوەی شار تا ئەکرێت ئەو رێگایانە بەکارنەهێنرێن و گەشتەکان دوابخرێن تا ئەو کاتەی ئەم شەپۆلی خۆڵبارینە کۆتایی پێدێت.

ئاماژەی بۆ ئەوەشکرد "شۆفێران دەتوانن ‎لە کاتی پێویست سوود لەم هێڵە گەرمانە وەربگرن بۆ بەهاناوەچوون":
1-کۆنترۆڵی هاتووچۆ 188
2-‎ژمارە 100 سەنتەری هەماهەنگی پەیوەندییەکان PJCC
3-‎فریاگوزاری تەندروستی 122
4- بەرگری شارستانی 115
5 پۆلیسی فریاکەوتن 104
6- ئاسایش 106

ب ح