مەودا میدیا-
بەڕێوەبەرایەتی حەج و عەمرەی هەرێمی كوردستان راگەیەنراوێكی بڵاوكردەوە دەڵێت"وەكو هەڵوێستێك بەرامبەر نەگەڕانەوەی ئەو هاوڵاتیانەی بە هێڵی ئاسمانی چوونەنەتە سعودیە، تاوەكو كاتێكی نادیار گەشتی ئاسمانی رادەگرن. 

دەقی راگەیەنراوەكە: 
هەڵوێستێك لە بەرێوەبەرایەتی گشتی حەج و عەمرەی كوردستان

هەتاوەكو عەمرەكارانی كوردستان لە سعوودیە بە فرۆكە نەگەڕێنەوە هیچ گەشتێكی عەمرەی ئاسمانی لە كوردستان بۆ سعوودیە ناكرێت.

بەرێوەبەرایەتی گشتی حەج و عەمرەی كوردستان ئەمرۆ سێ شەممە 19/8/2025 رایگەیاند وەكو هەڵویستێك لە بەرامبەر دواكەوتنی گەڕاندنەوەی  ئەو هاوڵاتیانەی كە بە فرۆكە گەشتی عەمرەیان كردووە لە سعوودیە گیریان خواردووە بەهۆی نەبوونی فرۆكە ناچاربوونە بە پاس بگەرێنەوە یاخود لەوێ بمێننەوە رێگە بە هیچ گەشتێكی عەمرەی ئاسمانی لە كوردستان نادەن بۆ بردنی هاووڵاتیان بۆ عەرەبستانی سعوودیە تاوەكو هەموو ئەو عەمرەكارانەی لەوێن لە نزیكترین كاتدا دەگەرێندرێنەوە و دڵنیایی تەواو نەدرێت كە ئەو هاوڵاتیانەی دەبردرێن بۆ عەمرە لە وادەی دیاریكراوی خۆیاندا دەگەرێندرینەوە بۆ هەرێمی كوردستان. 

بەرێوەبەرایەتی گشتی حەج و عەمرەی كوردستان ئاگاداری هەموو كۆمپانیاكانی حەج و عەمرە دەكاتەوە لە هەموو پارێزگا و ئیدارە سەربەخۆكان هیچ گەشتێكی عەمرە بە رێگەی ئاسمانی رێك نەخەن تاوەكو بەرێوەبەرایەتی گشتی حەج و عەمرە رێگەیان پێنەداتەوە.

بۆیە هەر لێرەوەش هۆشداری بە بریكارەكانی هێڵی فرۆكەوانی عیراقی دەدەین كە پێویستە هەوڵ بدەن بە زووترین كات عەمرەكارانی كوردستان لە سعوودیە بگەرێندرێنەوە بە پێچەوانە رووبەڕووی لێپێچینەوەی یاسایی دەبنەوە.

شایانی باسە ماوەیەكە بە هۆكاری جیا جیا گەشتەكانی عەمرە بە هێڵی فرۆكەوانی عیراقی كەم و كوڕی و نارێكیان تێدا كەوتووە بەهۆیەوە هەزاران عەمرەكاری  كوردستان و عیراق لە سعوودیە گەڕاندنەوەكانیان دواكەوتووە، بۆیە بەرێوەبەرایەتی گشتی حەج و عەمرە لەگەڵ ئەوەی بەردەوام لەسەر هێڵە بۆ چارەكردنی ئەو گرفتە بەڵام رێگە بە چوونی هیچ گەشتێكی عەمرەی ئاسمانی نادات لە فرۆكەخانەی نێودەوڵەتی هەولێر و سلێمانی تا عەمرەكاران بە تەواوەتی كە بە رێگەی ئاسمانی گەشتیان كردووە و لە نزیكترین كات و بە فرۆكە نەگەڕێندرێنەوە. 

ئ پ