مەودا میدیا-

یاریدەدەری سەرۆکی گشتیی پارتی گەلی کۆماری تورکیا (جەهەپە) ئاشکرایکرد پارتی داد و گەشەپێدان (ئاکەپە) لە نێوان ساڵانی 2014-2018، بڕی دوو ملیار و 300 ملیۆن دۆلاری لەبەرانبەر گواستنەوەی نەوتی هەرێمی کوردستاندا وەرگرتووە.

دەنیز یاووز یڵماز، یاریدەدەری سەرۆکی گشتیی جەهەپە رایگەیاند "بەپێی زانیارییەکانی ناو راپۆرتی هەریەک لە کۆمپانیاکانی دیلۆیت، بۆتاش و بڕیاری دادگای نێوەندگیری پاریس، ئاکەپە بە پێشێلکردنی رێککەوتننامە نێودەوڵەتییەکان، نەوتی لەرێگەی بۆری عیراق-تورکیاوە گواستووەتەوە".

ئاماژەی بۆ ئەوەشکرد "ئاکەپە سەرەتا پارەکەی بۆ کۆمپانیایەک بەناوی (کۆمپانیای وزەی تورکی) لە دوورگەی جێرسی لەنێوان فەڕەنسا و بەریتانیادا گواستووەتەوە و دواتر بڕی 904 ملیۆن دۆلاری لەوێوە خستووەتە سەر هەژماری بۆتاش کە کۆمپانیای فەرمیی نەوتی تورکییە".

ئەوەشی خستەڕوو "ئاکەپە لە رێگەی ئەو کارەی کە تیایدا پێشێلی یاسای نێودەوڵەتیی کردووە، ملیارێک و 324 ملیۆن دۆلاری بە زیادە وەرگرتووە و ئەم بڕە وەک سزا بەسەریدا سەپێنراوە کە دەبێت بیداتەوە بە حکومەتی عیراق".

ب ح