مەودا میدیا-

ئه‌ندامی ده‌سته‌ی سه‌رۆكایه‌تی پارتی یەکێتیی دیموکرات-په‌یه‌ده‌ ئاشکرایکرد لە رۆژهەڵاتی سووریا مۆدێلێكی دیموكراسی ناوازەیان بۆ پێكەوە ژیان درووستكردووە، لە کاتێکدا هەموو شێوازەكانی كۆمەڵكوژییان بینیوە.

ساڵح موسلیم، ئه‌ندامی ده‌سته‌ی سه‌رۆكایه‌تی په‌یه‌ده‌ رایگەیاند "لە رۆژئاوای كوردستان ئەزموونێكی ناوازەیان هەیە و بۆ ئەوەش سوودیان فەلسەفەی ئۆجەلان وەرگرتووە،  لەگەڵ هەموو ئەو گەمارۆ و هێرشانەی كراوەتە سەرژێرخانی ناوچەكانیان لەلایەن توركیاوە، بەڵام خۆڕاگرن".

ئاماژەی بۆ ئەوەشکرد "ئەزموونی ئەوان ئەزموونێكی تایبەتە لە رۆژهەڵاتی ناوەڕاستدا، بەتایبەت لە ناوچەیەكی وەک سوريا كە زۆر كەس چاوەڕێی نەدەكرد و ئەو ناناوەندییەی دەیانەوێت دەكرێت پرۆژەی ئاشتی بێت بۆ سوریا و ناوچەكەش".

ب ح