مەودا میدیا-
دوای دیدارەكەیان لەگەڵ عەبدوڵا ئۆجەلان، رێبەری زیندانیكراوی پە،،كە،،كە، شاندی ئیمرالی راگەیەندراوێكی بڵاوكردەوە و دەڵێت"ئۆجەلان تەندروستی زۆر باشە و جەختیشی لەوە كردووەتەوە كە كۆمەڵگەیەكی دیموكراسی، ئاشتی و تەواوكاری، سێ چەمكی سەرەكی ئەم پرۆسەیەن".

ئەمە دەقی راگەیەندراوەكەی شاندی ئیمرالییە:
بۆ رای گشتی و رۆژنامەنوسان:
لە ٢٨ی ئابی ٢٠٢٥ لە ئیمرالی كۆبونەوەیەكی سێ كاتژمێریمان لەگەڵ بەڕێز ئۆجەلان ئەنجامدا.
لە میانی دیدارەكەدا بەڕێز ئۆجەلان هەڵسەنگاندنێكی هەمەلایەنەی بۆ قۆناغەكانی پرۆسەی ئاشتی و كۆمەڵگەی دیموكراسی و پێشكەوتنەكان كرد.
روونیشی كردەوە، ئەو كێشانەی كە رووبەڕوومان دەبنەوە، پێویستیان بە دەستوەردانی جددی و هەستیار هەیە بۆ كۆتایهێنانی بە تەواوەتی، هەر بەو هەستیارییەشەوە پڕۆسەكەیان گەیاندووەتە ئەمڕۆ.
ئاماژەی بەوەشكرد، ئامانجمان ئەوەیە هەموو هەوڵێك بخەینەگەڕ بۆ كۆتاییهێنان بەم پرۆسەیە.
جەختیشیكردەوە، كۆمەڵگەیەكی دیموكراسی و ئاشتی و تەواوكاری، سێ چەمكی بنەڕەتی ئەم پرۆسەیەن و لەسەر ئەم بنەمایە دەتوانرێت بگاتە ئەنجام، بۆیە جەختی لەسەر پێویستی قۆناغێكی نوێ كردەوە كە تێیدا هەنگاوی بەپەلە بنرێت لە هەموو رەهەندەكانیەوە.
ئۆجەلان جەختی لەوەشكردەوە، هەمیشە تەواوكاری لەسەر بنەمای كۆماری دیموكراتی و كۆمەڵگەی دیموكراسی بەلاوە پەسەندەو تێگەیشتن و لە ئامێزگرتنی ئەم هەنگاوە ستراتیژییە سودی بۆ هەموومان و هەموو توركیا دەبێت، روونە كە ئاسانكردنی ئەم پرسەو رەتكردنەوەی ئەم پەسەندكردنە لە هەندێك لەنێوەندە سیاسی و میایدییەكان، زیان بەم پرۆسەیە دەگەیەنێت.
بەم بۆنەیەوە جارێكی دیكە باوەڕی گەورەی خۆی دەربڕیوە بە دۆستایەتی و ئاشتی ئەبەدی لە نێوان گەلاندا. 
ئ پ