مەودا میدیا-
دوای بڵاوبوونەوەی هەواڵێك كە گوایە عەمید گۆران بەرزان، راوێژكاری ئەمنی و هەواڵگیری بافڵ تاڵەبانی، سەرۆكی یەكێتی نیشتیمانی كوردستان لەلایەن هێزە ئەمنییەكانی یەكێتییەوە دەستگیر كراوە، ناوبراو روونكردنەوەیەكی بڵاوكردەوە و هەواڵەكەی رەتكردەوە. 

ئەمە دەقی روونكردنەوەكەی عەمید گۆران بەرزان-ە وەك خۆی:
من عەمید (گۆران بەرزان)، هەواڵێكی ناراست بڵاو بووەتەوە گوایە، بەندە دەستگیر كراوم لەلایەن هێزەكانی كۆماندۆوە، ئەم هەواڵە سەرلەبەری دوورە لە راستی، من لە ئەركدام وەك راوێژكاری ئەمنی و هەواڵگیری بەڕێز بافڵ تاڵەبانی، سەرۆكی یەكێتی نیشتیمانی كوردستان، لە ئێستادا لە نێو ماڵ و منداڵی خۆمم و سەرقاڵی پشوی هەینیم، ئەم هەواڵە لە واڵەكەی بەڕێز(قادر نادر) بڵاو كراوەتەوە، من تەنها بەو بەڕێزە ئەوە دەڵێم دەبوو پێش بڵاوكردنەوەی ئەو چەواشەكارییە، پیشەییانە تەلەفۆنی بۆ بەندە یاخود كەسوكارم بكردایە، پاشان زانیاری بڵاوكاتەوە، بۆیە من داوا لە جەنابیان دەكەم پۆزش بهێنێتەوە بۆ ئەو بڵاوكردنەوەی ئەو هەواڵە.  
عەمید گۆران بەرزان
٢٩-٨-٢٠٢٥
ئ پ