مەودا میدیا-
لە كاتێكدا مووچەی مامۆستایان و فەرمانبەرانی هەرێم بووە بە چەند مانگ جارێك و تا ئێستاش بۆ ئەمساڵ مامۆستایان نیازی كردنەوەی دەرگای قوتابخانەكانیان نییە، كەچی وەزارەتی پەروەردە ئاگاداركردنەوەیەكی بڵاوكردووەتەوە و دەڵێت" رۆژی 9/4/2025 دواین وایە بۆ تۆماركردنی خشتەی بەشەوانەكانی هەفتە و جیاكردنەوەی پۆل و هۆبە لە سیستەمی ئی – پەروەردە". 

ئەركان محەمەد، یەكێك لە ئەندامانی مامۆستایانی ناڕازی بە مەودا میدیای راگەیاند"بڕیاریانداوە بە هیچ شێوەیەك دەرگای پۆلەكانی خوێندن نەكەنەوە تا ئەوكاتەی دابەشكردنی مووچە یەكلایی دەبێتەوە و دۆخی ئابووری مامۆستایان و فەرمانبەران دەگەڕێتەوە باری ئاسای خۆی". 

وتیشی"با بەڕێوەبەری قوتابخانە و خوێندنگاكان بەدەم بانگەوازەكەی وەزارەتی پەروەردەوە بچن و بەشەوانەكان بۆ مامۆستایان دیاری بكەن و پۆلەكان جیابكەنەوە و هەرچی تر پێویستە بیكەن، بەڵام دڵنیابن مامۆستایان ناچنە پۆلەكانەوە و دەرس ناڵێنەوە تا ئەو كاتەی دابەشكردنی مووچە بەم شێوەیە بێت". 


ئەمەش دەقی ئاگاداركردنەوەكەی وەزرارەتی پەروەردەیە:
ئاگادارییەك بۆ گشت ناوەندەكانی خوێندنی حكومی لە لیژنەی سەرپەرشتیاری سیستەمی ئی – پەروەردەوە: 

ناوەندەكانی خوێندنی حكومی لە باخچەی منداڵان تا پەیمانگەكان ئاگادار دەكەینەوە، كە رێكەوتی 4/9/2025 دوا وادەیە بۆ تۆماركردنی:

 1/ بەشە وانەی درووستی هەر مامۆستایەك لە سیستەمی ئی-پەروەردە بۆ ساڵی خوێندنی 2025/2026 . 

2/ تۆماركردنی خشتەی بەشەوانەكانی هەفتە و جیاكردنەوەی پۆل و هۆبە لە سیستەمی ئی-پەروەردە بە درووستی.  

3/ كاتژمێر 12 ی شەو سیستەمی ئی-پەروەردە دادەخرێت و پاش كرانەوەشی دەسەڵاتی گۆڕانكاریكردن نادرێت بە ناوەندەكانی خوێندن. 

لیژنەی سەرپەرشتیكردنی سیستەمی ئی-پەروەردە
30/8/2025  
ئ پ