مەودا میدیا-

رفاندن و ئازاردانی هاوڵاتییانی کورد لەسنووری شاری عەفرینی داگیرکراو بەردەوامە و شەوی رابروو چەکدارانی سەربە  تورکیا لە پرسەیەکدا سێ گەنجیان رفاندووە و تاوەکو ئێستاش چارەنووسیان نادیارە.

ئاژانسی هاوارنیوزبڵاویکردەوە "شەوی رابردوو چەکدارانی سەربە تورکیا بە پێنج ئۆتۆمبێل هەڵیانکوتاوەتە سەر خێوەتێکی پرسە لە گوندی کەفەر سەفری ناحیەی جندرێسی عەفرین و سێ گەنجیان رفاندووە".

ئاماژەی بۆ ئەوەشکرد "شەش کەس لە دانیشتووانی گەڕەکی شێخ مەقسودی شاری حەڵەبەوە روویان لە گوندی کەفەر سەفر کردبوو، بە مەبەستی سەرەخۆشیکردن لە خزم و کەسوکاریان، بەڵام لەژێر خێوەتی پرسەکەدا چەکدارەکان سێ کەسیان لێ رفاندوون".

ب ح