مەودا میدیا-

ئەنجومەنی مامۆستایان و فەرمانبەرانی ناڕازیی لە کۆنگرەیەکی رۆژنامەوانیدا ئاشکرایانکرد ناوی 17 هەزار مامۆستا و فەرمانبەر بۆ وەرگرتنی زەوی بڵاوکرایەوە بەڵام لە سێ شوێنی زۆر نەشیاو زەوییەکان دەستنیشان کراون.

مامۆستایان و فەرمانبەرانی ناڕازیی رایانگەیاند "شارەوانی بە پاساوی نەبوونی زەوی  ئەو شوێنانەی دەستینشانکردووە بەڵام جیاوازیی دەکات لەنێوان فەرمانبەرەکانی خۆیی و توێژەکانی تر ئەو زەویانەش دابینکراوە هیچ بەهایەکیان بەرانبەر خزمەتی دەیان ساڵەی مامۆستایان و فەرمانبەران نییە.

ئاماژەی بۆ ئەوەشکرد " زەوییە بەهادارەکان نادرێنە فەرمانبەران و مامۆستایان، بەڵکو  بە نرخێکی گران دەفرۆشنەوە،  ئەو هەڵمەتەی کە ناوی دابەشکردنی زەوییە بەم سیستمە پیویستە رابگیرێت و زەوی شایستە و بەهادار بەرانبەر خزمەتی مامۆستایان و فەرمانبەران دابیبکرێت".

لای خۆیەوە مامۆستا عادل حەسەن، یەکێک لە ئەندامانی ئەنجومەنی مامۆستایانی ناڕازیی بە مەودا میدیای راگەیاند "وەزیر و وەزارەتی پەرەوەردە تاوەکو ئێستا باسی چارەسەرکردنی گرفتی مووچەیان نەکردووە".

ئاماژەی بۆ ئەوەشکرد "بایکۆت بریارێکی خۆڕسکانەی مامۆستایانە و بەمشێوەیەی ئێستا ئەستەمە دەرگای ناوەندەکانی خوێندن بکەنەوە، دەبێت ئەو مووچانەی نەدراون بدرێن ئەوکات باسی کردنەوەی دەرگای ناوەندەکانی خوێندن بکرێت".

ب ح