مەودا میدیا-

بەڕێوەبەرایەتی گشتیی كارەبای سلێمانی ئاشکرایکرد ‏‌‎لەچوارچێوەی پرۆژەی رووناکی بۆ دابینكردنی كارەبای بەردەوام بۆ هاوڵاتییان، لە ئێوارەی ئەمڕۆوە تەواوی  هاوبەشانی کارەبا لە سنووری قەزای چوارتا و ناحییەکانی سیتەک و زەلان و باسنێ و گوندەکانی دەوروبەری و قەزای ماوەت و ناحیەی گاپێڵۆن و گوندەکانی دەوربەریان كارەباكەیان دەبیتە (24) كاتژمێری.

بەڕێوەبەرایەتی گشتیی كارەبای سلێمانی رایگەیاند "دوای تەواوبوونی سەرجەم ئامادەكارییە تەكنیكییەكان و بەپێی پلانی كاركردنی پرۆژەی رووناكی ئێوارەی ئەمڕۆ پێنجشەممە (2025/9/4 ) دەستدەکرێت بە پێدانی کارەبای بەردەوام کە ژمارەیان زیاتر لە 22 هەزار هاوبەشی کارەبایە".

ئاماژەی بۆ ئەوەشکرد "پێشتریش پێنجشەممەی رابردوو کارەبای قەزای قەرەداغ و گوندەكانی دەروبەری و ناحیەی عەرەبەت و گوندەكانی دەوروبەری ناحیەی بەرزنجە و گوندەکانی دەوەبەری كارەبایان  بە (24) كاتژمێری".

ئەوەشی خستەڕوو "بەگشتیی لە پارێزگای سلێمانی  (372) هەزار هاوبەشی کارەبا و یەک ملیۆن و 500 ەهزار هاوڵاتیی سلێمانی لە پرۆژەی رووناكی سوودەمەند بوون و كارەبایان بوە بە (24) كاتژمێری  ، هەروەها لە سنوری پارێزگای سلێمانی (602) موەلیدە کوژاوەتەوە".

ب ح