مه‌ودا میدیا-

به‌پێى زانیارییه‌كانى مه‌ودا میدیا، حكومه‌تى عیراق و وه‌زاره‌تى دارایی عیراق بۆ مووچه‌ى مانگى حه‌وت چه‌ندین داواكاریی نوێیان خستووه‌ته‌ به‌رده‌م حكومه‌تى هه‌رێم.

به‌رپرسێكى باڵا به‌ مه‌ودا میدیاى راگه‌یاند "ته‌یف سامى، وه‌زیرى دارایی عیراق له‌ كۆبوونه‌وه‌ى هه‌فته‌ى رابردووى له‌گه‌ڵ شاندى هه‌رێم داوایكردووه‌ ته‌واوى داهاتى ناوخۆ و به‌شێكى رسوماتیش بده‌نه‌وه‌ به‌ به‌غدا".

وتیشى "هه‌رێم كوردستان به‌و مه‌رجه‌ى وه‌زیرى دارایی عیراق رازى نه‌بووه‌ و ده‌سه‌ڵاتى هه‌رێم پێى وایه‌ ئه‌وه‌ زیانگه‌یاندنه‌ به‌ هه‌رێم و لاوازكردنى ده‌سه‌ڵاتى حكومه‌تى هه‌رێمه‌".

له‌ لایه‌كى تریشه‌وه‌، نزیكبوونه‌وه‌ له‌ هه‌ڵبژاردنى په‌رله‌مانى عیراق و ململانێى لایه‌نه‌ عیراقییه‌كان، كێشه‌ى گه‌وره‌ بۆ مووچه‌ دروستده‌كات، چونكه‌ ده‌یانه‌وێت برپرسى مووچه‌ بۆ بانگه‌شه‌ى هه‌ڵبژاردن به‌كاربهێنن و ده‌نگى هاوڵاتییانى پێ كۆبكه‌نه‌وه‌.

ع