مه‌ودا میدیا-

ئه‌ندامێكى لیژنه‌ى دارایی په‌رله‌مانى عیراق رایگه‌یاند، هۆكارى حراپى دۆخى دارایی هاوڵاتییان، حكومه‌تى هه‌رێمى كوردستانه‌.

موعین كازمی، ئەندامی لیژنەی دارایی پەرلەمانی عیراق رایگه‌یاند "هەرێمی کوردستان تا ئێستا نەوت و داهاتەکانی دیکەی رادەستی حکومەتی فیدراڵیی نه‌كردووه‌".

وتیشى "حکومەتی هەرێمی کوردستان بەرپرسیارێتی بارودۆخی نەهامەتی خەڵکی هەرێم لە ئەستۆ دەگرێت، بەهۆی مامەڵە نەكردنی بەشێوەیەكی شەفافانە لەگەڵ بەغداد".

ئاماژەی بەوەشکرد "پارتی دیموکراتی كوردستان نزیكبونەوەی هەڵبژاردنی داهاتوو دەقۆزێتەوە بۆ سەپاندنی مەرجەکانی بەسەر حکومەتی فیدراڵی سەبارەت بە دەستپێکردنەوەی هەناردەکردنی نەوت و دۆسیەكانی تر، كەمتەرخەمییەكی روون هەیە لەلایەن حکومەتی هەرێمەوە لە رادەستكردنی داهاتە داراییەكانی".

ع