مه‌ودا میدیا-

شاره‌زایه‌كى كه‌شوهه‌وا رایگه‌یاند، ئه‌م هه‌فته‌یه‌ له‌ چه‌ند ناوچه‌یه‌كى هه‌رێم ئه‌گه‌رى باران بارین هه‌یه‌ به‌شێوه‌یه‌كى كه‌م.

سیروان ساڵح، شارەزا لە بواری كه‌شوهه‌وا به‌ مه‌ودا میدیاى راگه‌یاند "لەڕۆژی پێنجشەممەى ئه‌م هه‌فته‌یه‌ و  رۆژى هەینی کۆتایی هەفتەیه، بەهۆی کاریگەریی ناوچەیەکی پەستان نزمی دەریای رەش لە زنجیرە چیا سنووریەکانی باکووری چۆمان، حاجی ئۆمەران، سیدەکان و سۆران، ناوبەناو ئەگەری بڕێکی کەم بارانبارین هەیە".

باسى له‌وه‌شكرد "پلەکانی گەرما بەجێگیری دەمێننەوە و گۆڕانکاریان بەسەردا نایات، به‌ شه‌ودا فێنك و هه‌ندێك ناوچه‌ سارد ده‌بێت".

پێشتریشن ناوه‌نده‌كانى كه‌شناسى ئه‌وه‌یان بڵاوكردوه‌ته‌وه‌ "ئه‌مساڵ پێشبینى باران بارینێكى زۆر ده‌كرێت به‌تایبه‌تى له‌وه‌رزى زستان".
ع