مه‌ودا میدیا-

بڕیاره‌ ئه‌مڕۆ چوارشه‌ممه‌، ئه‌نجومه‌نى وه‌زیرانى هه‌رێمى كوردستان كۆببێته‌وه‌ و پرسى هه‌نارده‌كردنه‌وه‌ى نه‌وتى هه‌رێم و رێككه‌وتن و مووچه‌ ته‌وه‌ره‌ى كۆبوونه‌وه‌كه‌ ده‌بن.

به‌پێى كارنامه‌ى كۆبوونه‌وه‌كه‌ "ئەنجوومەنی وەزیرانی هەرێم رێككەوتنی هەناردنەكردنەوەی نەوت تاوتوێ دەكات، له‌گه‌ڵ داهاتە نانەوتییەكان و دەستنیشانكردنی بەشی گەنجینەی فیدڕاڵى".

به‌پێى زانیارییه‌كان "هەر لە كۆبوونەوەكەدا بڕیار لەبارەی ناردنی 120 ملیار دینار بۆ حكومەتی فیدراڵ دەدرێت، بەوەش لە حاڵەتی رەوانەكردنی چارەنووسی مووچە یەكلایی دەبێتەوە و لەلایەن حكومەتی عێراقەوە خەرج دەكرێت".

ئه‌وه‌ش له‌كاتێكدایه‌، دوێنێ سێشه‌ممه‌، ئه‌نجومه‌نى وه‌زیرانى عیراق كۆبووه‌وه‌ و محه‌مه‌د شیاع سودانى، سه‌رۆكى حكومه‌تى عیراق داوایكرد له‌ ته‌یف سامى، وه‌زیرى دارایی عیراق كرد، مووچه‌ى مانگى حه‌وتى فه‌رمانبه‌رانى هه‌رێم خه‌رجبكات".

ع