مەودا میدیا-

 فەرماندەی گشتیی هێزەکانی سوریای دیموکرات (هەسەدە) ئاشکرایکرد سەردانەکەی باراک و کوپەر، بەردەوامی هاوکاری لەگەڵ باکوور و رۆژهەڵاتی سوریا پشتڕاستدەکاتەوە".

مەزڵوم عەبدی، فەرماندەی گشتیی هەسەدە رایگەیاند "لە کۆبوونەوەی حەسەکەدا پشتیوانیان بۆ هەڵگرتنی یاسای قەیسەر دەربڕیوەو جەختیان لە بەشداریکردنی دیمەشق لە شەڕی دژبە تیرۆر کردووەتەوە و بەشداریکردنی دیمەشق لە شەڕی داعش یەکێکە لە مەرجەکانی هەڵگرتنی سزاکان".

ئاماژەی بۆ ئەوەشکرد "زنجیرەیەک کۆبوونەوەیان لەگەڵ وەزیری بەرگری و بەرپرسی هەواڵگریی سوریا لە دیمەشق ئەنجامداوە و لەسەر چەند بابەتێک گەیشتوونەتە رێککەوتنێکی سەرەتایی".

ئەوەشی خستەڕوو " لێکتێگەیشتنێک هەیە سەبارەت بە پرەنسیپی لامەرکەزی، ناکۆکیش لە لێکدانەوەی زاراوەکەدا هەیە و بەمنزیکانە شاندێکی ئیدارەی خۆسەر سەردانی پارێزگاکانی سوریا دەکات".

ب ح