مەودا میدیا-

بەڕێوەبەری گشتیی کشتوکاڵی هەڵەبجە ئاشکرایکرد یەکێک لە ئامانجەکانی رێکخستنی فێستیڤاڵی هەنار و پایز، بە بازاڕکردن و ساخکردنەوەی بەرهەمی جووتیارانی سنوورەکە بووە.

ستار مەحمود ساڵح، بەڕێوەبەری گشتیی کشتوکاڵی هەڵەبجە بە مەودا میدیای راگەیاند "نزیکەی 420 هەزار کەس لە هەرێمی کوردستان و عیراق و ئێرانەوە سەردانی هەڵەبجەیان کردووە".

ئاماژەی بۆ ئەوەشکرد "لە ماوەی سێ رۆژی فێستیڤاڵەکەدا بە بەهای ملیارێک و 700 ملیۆن دینار بەرهەمی جووتیاران لە هەنار و بەرهەمە کشتوکاڵییەکان و بەرهەمی کاری دەستی فرۆشراوە".

ب ح