مەودا میدیا-

بەڕێوەبەرایەتی گشتیی کارەبای سلێمانی نرخی کارەباى موەلیدەی ستییەکانی بۆ مانگی تشرینی دووەم (11) بڵاوکردەوە.

بەڕێوەبەرایەتی گشتیی کارەبای سلێمانی رایگەیاند "بەپێی نرخی گازوایل لە بازاڕ و خەرجی موەلیدەی ستییەکان نرخەکان ئامادەکراوە".

ئاماژەی بۆ ئەوەشکرد "نرخی کیلۆوات ئاوەڕێک کارەباى موەلیدەى ستییەکان بۆ مانگی تشرینی دووەم بریتییە لە (290) دینار، ئەو ستییانەش كە تاكە سەرچاوەی كارەبایان موەلیدەیە و كارەبای نیشتمانیان نییە نرخی كیلۆواتیان (277) دینارە".

ئەوەشی خستەڕوو "پێویستیشە سەرجەم ستیيەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە".

ب ح