مەودا میدیا-

سەرۆکی دەستەی دەروازە سنوورییەکانی عیراق ئاشکرایکرد بەغدا و تاران لەسەر کردنەوەی دەروازەی نوێی سنووری گەیشتوونەتە رێککەوتن.

عومەر وائیلی، سەرۆکی دەستەی دەروازە سنوورییەکان رایگەیاند " دەروازەی نوێی سنووری جیلات دەکەوێتە نێوان هەردوو پارێزگای ئیلام و میسان".

ئاماژەی بۆ ئەوەشکرد "بە کردنەوەی ئەم دەروازەیە، ژمارەی دەروازە سنوورییەکانی نێوان عیراق و ئێران بۆ حەوت دەروازە لەنێوان هەردوو وڵات بەرزدەبێتەوە".

ئەوەشی خستەڕوو "لە قۆناغی یەکەمدا، تەنها رێگە بە هاتوچۆی گەشتیاری دەدرێت، لە قۆناغی دووەمدا دەروازەکە بۆ ئاڵوگۆڕی بازرگانیش بەکاردەهێنرێت".

ب ح