مەودا میدیا-

رۆژنامەی شەرق ئەلئەوسەت ئاشکرایکرد له ماوەی رابردوودا وڵاتێکی عەرەبی و دەزگایەکی هەواڵگریی رۆژئاوایی حكومەتی عیراق و لایەنە سیاسیەكانی لە هەڕەشە و هێرشی ئیسرائیل بۆ سەر وڵاتەکەیان ئاگادارکردووەتەوە.

رۆژنامەی شەرق ئەلئەوسەت بڵاویکردەوە "ئەگەری ئەوە هەبوو هێرشەکان دامودەزگا حکومییەکان و گرووپە شیعەکان، حەشدی شەعبی، کۆگاکانی فڕۆکەی بێفڕۆکەوان و موشەک و کەمپەکانی مەشقکردن بکەنە ئامانج".

ئاماژەی بۆ ئەوەشکرد "ئاستی هەڕەشەکان رووی لە هەڵكشان كردووە و راگەیاندنی پەیامەکانیش بە حکومەت و لایەنە سیاسییەکانی عیراق باوەڕی بە دانانی چەكی لای گرووپەکان خێراتر کردووە".

ئەوەشی خستەڕوو "بەرپرسانی حکومەت و لایەنە سیاسییەکانی عیراق ئاگادارکراونەتەوە کە ئاستی هەڕەشەکان لەڕادەبەدەر جدییە، بەشێوەیەك ئیسرائیل گڵۆپی سەوزی لەلایەن ئەمەریکییەکانەوە بۆ هەڵکراوە بۆ ئەوەی تاکلایەنە لە عیراق مامەڵە بکات".

ب ح