مەودا میدیا-

سەرۆكی لیژنەی دارایی پەرلەمانی كوردستان رایگەیاند، حكومەتی هەرێم بۆ دابەشكردنی مووچەی فەرمانبەرانی هەرێمی كوردستان چاوەڕوانی پارەی بەغداد دەكات و  خۆشی 280 ملیۆن دۆلاری ئامادەکردووە 

زیاد جەبار، سەرۆكی لیژنەی دارایی پەرلەمانی كوردستان بە میدیاکانی راگەیاندووە" هیچ ئومێدێك نییە بۆ دابەشکردنی مووچە، بەتایبەت ئەگەر بێت و پارەکەی بەغدا نەیەت، چونکە حکومەتی هەرێم بڕیاریداوە کە تا پارەکەی بەغدا نەیەت دەست بە دابەشکردنی مووچە نەکات".

زیاد جەبار وتوشیەتی " لەئێستادا حكومەتی هەرێمی كوردستان نزیكەی 280 ملیۆن دۆلاری ئامادەكردووە بۆ ئەوەی بتوانێت لەئەگەری هاتنی پارەكەی بەغداد مووچەی فەرمانبەرانی هەرێمی پێ دابەشبكات".