مەودا میدیا- سازگار ئەحمەد

ئەندامێكی لیژنەی دارایی لە پەرلەمانی كوردستان ئاشكرایدەكات، حكومەتی هەرێمی كوردستان تەنیا 280 ملیۆن دۆلاری لەبەردەستدایە و دەیەوێت پێش جەژن دابەشی بكات.

لای خۆیەوە، شێركۆ جەودەت، ئەندامی لیژنەی دارایی لە پەرلەمانی كوردستان رايگەیاند "حكومەت لە ئێستادا تەنیا 280 ملیۆن دۆلاری لە بەردەستدایە و دەیەوێت وەك مووچە پێش جەژن دابەشی بكات".

بەپێی وتەی ئەو ئەندامەبێت، حكومەت نیازی هەیە بەو بڕە پارەیەوە دەست بە دابەشكردنی مووچە بكات و بەو پێیە بێت مووچەی تەواوی بەسەر فەرمانبەران دابەشناكرێت.

لە بەرانبەردا محەمەد سەعدەدین، ڕیاردەری  لیژنەی دارایی و کاروباری ئابووری لە پەرلەمانی کوردستان بە مەودا میدیای راگەیاند "سەبارەت بە  دابەشکردنی بڕی 200 بۆ 250 هەزار دینار بەسەر مووچەخۆرانی هەرێمی کوردستان هیچ بڕیارێکی فەرمییمان بەدەست نەگەیشتووە و هیچ بابەتێکی وا  نییە".

نزیكەی دوو مانگ دەبێت حكومەتی هەرێمی كوردستان هیچ مووچەیەكی دابەش نەكردوە و فەرمانبەرانیش هەڕەشەی بایكۆت دەكەن ئەگەر بێتو مووچەیان پێنەدرێت.