مەودا میدیا-

دوو هاوڵاتی دانیشتووی شاری شنۆی رۆژهەڵاتی كوردستان دوای ئەوەی بۆ كۆكردنەوەی گژوگیای بەهارە رویان لە شاخ كردبوو، دوای چەند رۆژێك لە نەگەڕانەوەیان، لە شاخی خواكورك تەرمەكانیان دۆزرایەوە.

پێش چەند رۆژێك ئەو دوو هاوڵاتیە لەگەڵ چەند كەسێكی تر سەردانی شاخە سنورییەكانیان كردبوو، بەڵام بەهۆی تێكچوون و خراپی كەشوهەوا توشی كێشە بوون و دواجار گیانیان لە دەستداوە.

بەپێی هەندێ زانیاری ئەو دوو هاوڵاتیە لە لایەن فڕۆكەكانی توركیاوە كراونەتە ئامانج و دواتر گیانیان لە دەستداوە، بەلام هیچ شتی فەرمی لەو بارەوە نییە.