مەودا میدیا-

بەڕێوەبەرایەتی بەشە ناوخۆییەكانی كەمپی نوێی زانكۆی سلێمانی داوا لەو خوێندكارانە دەكات كە تائێستا كەلوپەلەكانیان نەبردووەتەوە دەتوانن لە ماوەی سێ رۆژدا پەیوەندی بە بەشە ناوخۆییەكان بكەن و كەلوپەلەكان ببنەوە.

نەژاد حسێن، بەرپرسی بەشە ناوخۆییەكانی كەمپی نوێی بە مەودا میدیای راگەیاند "ئەو خوێندکارانەی دەیانەوێت و داوادەکەن بەشێک لەپێداویستییەکانییان ببەنەوە لەبەشە ناوخۆییەکانی کەمپی نوێ دەتوانن لەماوەی سێ رۆژدا سەردانی بەشە ناوخۆییەكان بكەن".

ئەوەشی خستەڕوو " تا رۆژی چوارشەممە خوێندكاران دەتوانن سەردانی بەشە ناوخۆییەکانیان بکەن سەرجەم باڵەخانەکان لەکاتژێر 8و نیوی بەیانی بۆ كاتژمێر یەكی پاش نیوەڕۆ كراوە دەبن".