مەودا میدیا-

وەزارەتی تەندروستی حكومەتی هەرێمی كوردستان بەپێی دوایین ئاماری كە بڵاویكردووەتەوە 387 كەس لە هەرێم تووشی كۆرۆنا بوون و تكا لە هاوڵاتیانیش دەكات پابەندی رێنماییەكان بن.

لە راگەیەندراوێكی وەزارەتی تەندروستی هاتووە "لە هەرێمی كوردستان لە سەرەتای بڵاوبوونەوەی كۆرۆنا 46 هەزار و 232 كەس پشكنینی كۆرۆنایان بۆ كراوە و 387 كەس تووشی ڤایرۆسەكە بوون".

ئاماژە بەوەشكردووە "كۆی ئەوانەی چاكبوونەتەوە 343 كەس دەبن و 39 كەس لە نەخۆشخانەكان ماون و 5 كەسیش مردوون".

ئەوەش خراوەتەڕوو "تكا لە هاوڵاتیان دەكەین پابەندی رێنماییە تەندروستییەكان بن و دوربكەنەوە لە قەرەباڵغی".